Resumo

GONCALVES, D.P.. Security access control effectiveness design. S. Afr. J. Ind. Eng. [online]. 2023, vol.34, n.3, pp.84-96. ISSN 2224-7890.  https://doi.org/10.7166/34-3-2954.

Suid-Afrika se infrastruktuur het 'n oormaat van sekuriteitsaanvalle in die gesig gestaar wat gelei het tot die promulgering van die Wet op die Beskerming van Kritieke Infrastruktuur No. 8 van 2019. Residuele risiko (d.i. dit wat oorbly nadat die bedreigings aangespreek is) moet beoordeel word vir die kritieke infrastruktuur sekuriteitstelsel as deel van die totale sekuriteitstelselontwerp. Een area wat aandag verg, is toegangsbeheer. Hierdie artikel demonstreer hoe om so 'n ontwerp te benader, met 'n spesifieke fokus op die doeltreffendheid van die toegangsbeheerstelsel en hoe om die biometriese of digitale sleutel (soos toegangskaarte) stelsel te kies. Die benadering begin deur toegangsbeheergebeurtenisse te definieer wat weer gebruik word om toegangsbeheerdoeltreffendheid te definieer ten opsigte van die waarskynlikheid van ongeldige toegang en van anomalie-opsporing. Die teoreties afgeleide resultate word bevestig deur 'n simulasie. Op grond van hierdie modelle word leiding verskaf vir die ontwerp van toegangsbeheer vir kritieke infrastruktuur.

        · resumo em Inglês     · texto em Inglês     · Inglês ( pdf )