Resumo

WRIGHT, Susan C.; BIYA, Titilayo T.  e  CHOKWE, Majapi E.. The effectiveness of a pregnancy leaflet to promote health in Tshwane, South Africa. Health SA Gesondheid (Online) [online]. 2014, vol.19, n.1, pp.01-07. ISSN 2071-9736.  http://dx.doi.org/10.4102/hsag.v19i1.764.

AGTERGROND: Swangerskapsverwante gesondheidsopvoeding dra basiese inligting oor aangaande gesonde leefstylkeuses en voorkomende sorg om die gesondheid van moeder en fetus tydens swangerskap te bevorder. Verbale gesondheidsonderrig word dikwels versterk deur gedrukte inligtingstukke. 'n Swangerskapsverwante inligtingstuk tans in gebruik in primêre gesondheidsorgklinieke in Tshwane met die titel: 'Are you pregnant or planning to have a baby?' was die fokus van die studie. DOELWITTE: Die studie het twee doelwitte gehad, naamlik (1) om uit te vind of die Engelse inligtingstuk die kennis van jong volwasse vroue to so 'n mate kon verbeter dat hulle in staat was om gesond te bly tydens hul swangerskap en komplikasies te voorkom, asook (2) om te bepaal of die geletterdheidsvlak van die jong volwasse vroue 'n invloed gehad het op die vermoë van die inligtingstuk om hul kennisvlakke te verhoog. METODE: Die navorsingsontwerp was 'n voor-toets/na-toets ontwerp. Twee groepe van 30 deelnemers elk, 'n na-sekondêre onderrig en 'n tersiêre groep, het aan die studie deelgeneem. Data is deur self-rapportering ingesamel waar die deelnemers 'n vraelys gebaseer op die pamflet voltooi het, voor en na blootstelling aan die inligtingstuk. Die data is met behulp van beskrywende statistiek en 'n Pearson's chi-kwadraat ontleed. RESULTATE: Die bevindings dui daarop dat beide groepe baie min voorkennis aangaande gesondheid tydens swangerskap gehad het en dat die swangerskapsverwante inligtingstuk nie hul kennis tot so 'n mate verbeter dat hulle ingelig en in staat sou wees om gesond te bly tydens hul swangerskap nie. GEVOLGTREKKING: Dit is belangrik dat navorsingsbewyse gebruik word in die ontwikkeling van gedragsveranderingsmateriaal.

        · resumo em Inglês     · texto em Inglês     · Inglês ( pdf )