Resumen

VENTER, J.J. (Ponti). Teikenmetodologieë - Renaissance militarisme val die Christendom as 'swakheid' aan. Koers (Online) [online]. 2013, vol.78, n.2, pp.1-17. ISSN 2304-8557.  https://doi.org/10.4102/koers.v78i2.62.

In die na-Middeleeuse Weste het intellektuele, in hul strewe na wetenskaplike emansipasie, metodologieë ontwikkel om hulself van die dominerend-Christelike, meesal Rooms-Katolieke, intellektuele tradisie te bevry. Machiavelli was een so 'n kritikus; hy het gestreef na 'n repristinasie na die voor-Christelike Klassieke. Sulke metodologieë is nooit sonder 'n inherente magstrewe nie. Machiavelli het 'n Klassistiese, 'heroïes eksemplaristiese' hermeneutiek ontwikkel om die republikeinse, manlike, aanvallende, imperialistiese deugde van Rome te vereer, in teenstelling met die verdelende, sagsinninge, sorgsame, reg-soekende, onpatriotiese Christelike leiers van sy tyd. Hy het toe die Moderne ideologiese militaristiese kompeterendheidsidee met sy onderling-suspisieuse magsbalansgedagte ontwikkel. Hierdie artikel vorm deel van 'n reeks van sulke metodologieë wat groepe teiken.

        · resumen en Inglés     · texto en Inglés     · Inglés ( pdf )