Resumen

MIEDEMA, Siebren. 'n Pleidooi vir inklusiewe lewensbeskoulike vorming in alle skole. Koers (Online) [online]. 2012, vol.77, n.1, pp.1-7. ISSN 2304-8557.

Indien die doel van skole die persoonsvorming ('Bildung') van leerders is, behoort lewensbeskoulike vorming in alle skole 'n integrale deel hiervan uit te maak, argumenteer die outeur. Daar word aangetoon dat so 'n beskouing van lewensbeskoulike persoonsvorming uitstekend gekombineer kan word met burgerskapsvorming. In lewensbeskoulike burgerskapsvorming word die klem allereers gelê op leerders se toe-eiening en (verdere) ontwikkeling van 'n eie lewensbeskouing. 'n Tweede doelstelling vir sodanige ontwikkeling is dat die leerders behoort te leer om in die skool saam te leef met ander persone wie se lewensbeskouings verskil van hulle eie lewensbeskouing. Op hierdie wyse word die individuele perspektief en die sosiale of gemeenskapsperspektief beskou as twee kante van dieselfde munt. Ten slotte word 'n praktiese voorbeeld waarin die doel van lewensbeskoulike burgerskapsvorming konkreet uitgebeeld word, gebied deur te wys op die samewerking van 'n christelike, openbare en islamitiese primêre skool in Suidoos-Amsterdam.

        · resumen en Inglés     · texto en Inglés     · Inglés ( pdf )