Abstract

KESSLER, Martina. Vroulike leiers in die 21ste eeu in 'n manlike wêreld. Koers (Online) [online]. 2014, vol.79, n.2, pp.1-7. ISSN 2304-8557.  https://doi.org/10.4102/KOERS.V79I2.2117.

Die 21ste eeu toon 'n toename in die aantal vroue in leierskapsposisies. Die uitdaging is: Hoe kan hulle lei in 'n konteks wat steeds deur mans oorheers word? Dikwels probeer vroulike leiers eenvoudig die manlike leierskapstyl waarmee hulle vertroud is, naboots. As 'n gevolg verloor vroue soms hul vroulikheid en organisasies verloor die spesifieke geleenthede wat vroulike leierskap bied. Een doel van hierdie artikel is om die geleenthede en sterkpunte van 'n vroulike leierskapstyl, soos pro-sosiale gedrag en 'n panorama-uitsig, te bespreek. Ons sal ook kyk na die kwessie van vroue se benadering tot mag en die magsbasisse wat vroue tipies gebruik. Een gevolgtrekking is dat ons die voordele van beide manlike en vroulike leierskap vir die 21ste eeu benodig.

        · abstract in English     · text in English     · English ( pdf )