Abstract

LOUBSER, Ananka. 'n Ontologiese verkenning van verandering en konstantheid. Koers (Online) [online]. 2013, vol.78, n.2, pp.1-8. ISSN 2304-8557.  https://doi.org/10.4102/koers.v78i2.2108.

Die geskiedenis van filosofie vertoon 'n verskeidenheid van standpunte aangaande die ontologiese voorrang van óf verandering óf konstantheid. Sommige beskouings aanvaar verandering as fundamenteel, tot die punt waar konstantheid ontken word (bv. Heraklitus). Ander beskouings aanvaar konstantheid as so belangrik, dat verandering ondenkbaar word (bv. Parmenides). Die oënskynlike dialektiese spanning tussen die verskillende konsepsies vereis 'n ontologiese uitklaring van die kwessies. Hierdie studie illustreer en evalueer die verhouding tussen verandering en konstantheid in die standpunte van verskeie wetenskapsfilosowe deur die geskiedenis. Dit word gedoen deur 'n reformatoriese insig aan te neem, naamlik dat verandering en konstantheid in 'n kohesie bestaan. Die studie vind dat die verhouding tussen verandering en konstantheid nie dialekties is nie, maar eerder een van integrasie, gesetel in onreduseerbare primitiewe domeine (modaliteite). Die doel van die artikel is tweeledig (1) om te toon dat verandering en konstantheid nie tot mekaar gereduseer kan word nie, maar in 'n verhouding van koherensie bestaan en (2) om 'n sistematiese uitklaring van raamwerkverandering, in terme van die verhouding tussen verandering en konstantheid op die ontologiese vlak, by te dra.

        · abstract in English     · text in English     · English ( pdf )