Abstract

MOTLHABANE, A.; NYEMBWE, K.  and  VAN TONDER, M.. Mechanical reclamation of waste sand produced by additive manufacturing processes. S. Afr. J. Ind. Eng. [online]. 2022, vol.33, n.3, pp.326-338. ISSN 2224-7890.  https://doi.org/10.7166/33-3-2810.

Metaalgietvervaardigers neem toenemend driedimensionele drukwerk in hul werkvloeie aan as 'n manier om mededingend te bly. Ten spyte van al die innoverende ontwikkeling, maak streng omgewingsregulasies en die intrinsieke waarde van sand steeds die herwinning van afvalsand 'n noodsaaklike saak om in ag te neem wanneer die vinnige sandgietproses gei'mplementeer word. Tydens die druk van die furaangebonde sandkerne met behulp van bindmiddelstraalprosesse, word afvalsand geproduseer. Hierdie artikel ondersoek die moontlikheid om die afvalsand wat tydens die druk van sandkerne gegenereer word, meganies te herwin. In hierdie studie is afval-furaangebonde sand wat gegenereer is deur driedimensionele drukwerk met behulp van die Voxeljet VX 1000-drukker van die Vaal Universiteit van Tegnologie afgehaal. Die versamelde afvalsand is eers gekarakteriseer voordat dit meganies herwin is deur droe afslyting, gevolg deur droe sifting en nat afslyting, wat behels het dat die afvalsand in 'n vloeibare oplossing van water en isopropylalkohol gewas is. Die resultate het getoon dat meganiese herwinning met nat afslyting meer effektief is om die oorblywende bindmiddel in die sand te verwyder as meganiese herwinning met droe afslyting.

        · abstract in English     · text in English     · English ( pdf )