Abstract

DU TOIT, D.  and  VLOK, P.J.. Supply chain management: A framework of understanding. S. Afr. J. Ind. Eng. [online]. 2014, vol.25, n.3, pp.25-38. ISSN 2224-7890.

Die onderwerp van voorsieningskettingbestuur (VKB) is kompleks om te verstaan omdat dit baie verskillende komponente, vloei van aktiwiteite, funksies, en rolspelers insluit. Die literatuur oor VKB is versprei oor verskeie funksies, wissel in omvang, en word dikwels beperk tot sekere elemente binne VKB. Die doel van hierdie artikel is om 'n literatuur oorsig oor die onderwerp van VKB te voorsien. VKB word verduidelik met behulp van 'n nuut-ontwikkelde raamwerk van verstaan: 'n grafiese voorstelling van die term. Dit verenig die verskillende komponente binne VKB, en toon die verwantskap tussen hulle. Die raamwerk is ontwikkel deur die belangrikste temas in die definisies van VKB te bestudeer, en bestaande kategorisering en verwysingsmodelle te ontleed. Die uitkomste van die artikel kan gebruik word as 'n gids om navorsers en praktisyne te oriënteer in die veld.